تعرف على آخر كرت يحاول فيه اعداء مصر للتخلص من السيسي!! لا قدر الله

عبد الفتاح السيسي : اللي عايز يلعب في مصر و يضيعها يخلص مني أنا الأول !! .
بصو بقى :
- من اسبوعين تلاته و أيام حكاية سامي عنان , صديق عزيز جدا كلمني , بنتناقش , ايه حكاية سامي عنان ؟ قلت له ده الكارت قبل الأخير اللي في إيد ولاد ال...!! , إزاي الكارت قبل الأخير ؟ عشان على مدار 4 سنين كانت كروت ولاد ال...!!  بتنحصر و تعوّل على فكرة إسقاط السيسي و الدوله المصريه بمظاهرات أو ثورات أو لوي دراع اقتصادي او ارهاب , كلها كروت صرفو عليها مليارات و حاولو بكل الطرق و فشلو تماما .
.
- مبقاش قدامهم غير كارت اسمه سامي عنان يرموه , طب سامي عنان لو اترشح للرئاسه ممكن ينجح ؟ لا طبعا مستحيل , مفيش واحد مايبقاش له وجود سنين طويله و اغلب الناس تفتكره مات او هاجر و تيجي تنزله انتخابات رئاسيه قبلها بيومين و تقوله نافس بقى واحد بشعبية عبد الفتاح السيسي , طب لما هو ملوش أي فرصه ينجح كان نازل ليه ؟ كان نازل يضرب في عقيدة الجيش يا مولانا , و بصفته قيادي سابق في الجيش المصري هيبقى كلامه له حيثيه معينه , كان نازل عشان الشهرين اللي قبل الانتخابات مش الانتخابات نفسها ( لأنه ملوش فيها ) , و ممكن تتأكد بنفسك لما تشوف بس اليومين تلاته اللي بعد اعلان ترشحه اتقال فيها ايه من الناس اللي مسئولين عن حملته , تتخيل ده لو كان كمل شهرين و عنده دعم كامل من ولاد ال...!!  كان ممكن نوصل لفين ؟ .
.
طيب الدوله حرقت لهم كارت سامي عنان زي ماحرقت قبل كده كروت الثورات و المظاهرات والإرهاب و لوي الدراع و محاولة ضرب الإقتصاد , كده ولاد ال...!!  مش باقي في ايديهم غير كارت واحد , ايه هو الكارت ده ؟ بالعقل و المنطق البسيط , محاولة اغتيال السيسي ( والله خيرٌ حافظا و هو أرحم الراحمين ) , الشخص نفسه اللي فشلو معاه في كل حاجه , و اللي حطوه كرقم واحد على قايمة الإغتيالات في العالم من يونيو 2013 , بس كان وقتها عندهم كروت جانبيه بيلعبو بيها , الكروت دي اتحرقت كلها , مفيش غير الكارت الاخير .
.
طب عبد الفتاح السيسي عارف الكلام ده ؟ أكيد طبعا عارف , و كل مؤسسات الدوله السياديه عارفه , بيحاولو يأمنوه كويس ؟ أكيد , طب بيفكرو في ايه تاني ؟ بص يا حبيبي , الأعمار بإيد ربنا سبحانه و تعالى , محدش فيها مخلّد , لا انا ولا السيسي ولا اي مخلوق , سواء بموته طبيعيه أو بأي موته , إنما فيه حاجه أهم من الأشخاص , و ده اللي انا متأكد إن السيسي نفسه بيفكر فيه , أنا لو متت مش عايز الدوله دي تقع ولا ترجع لورا تاني ( مش عايز موتي يساوي سقوط الدوله ) , و بالتالي التفكير المنطقي بيقول تجهيز بديل و اتنين لعبد الفتاح السيسي , يعني ايه ؟ يعني برضه حرق مسبق للكارت الأخير اللي في إيد ولاد ال...!!  .
.
طب مين هما بقى ولاد ال... ؟ والله السؤال ده مابقى ينفع يسأله عيل في تالته ابتدائي