أكتر 3 مقولات فيهم قلق وجودي - من وجهة نظر !!

أكتر 3 مقولات فيهم قلق وجودي - من وجهة نظر -  :

1- الكاتب Chuck Palahniuk بيقول (( .. Nothing of me is original. I am the combined effort of everyone I’ve ever known. ..  )) بمعني " أن مفيش حاجة فيا أصلية , انما انا مجرد مجهود مجمع من كل شخص اعرفه  " !! .. عارفين ده معناه ايه ؟!! ان شخصيتي ديه مش حاجة غير افرزات مجموع باقي الشخصيات اللي حواليا , يعني قناعاتي , مبادئي , حتي توجهاتي الاخلاقيه و الفكرية ! كلها عباره عن المحيط اللي انا عايش فيه , فانا مثلا اتولدت وسط بيئه بشكل معين حبقي شخص ما , بالرغم اني لو كنت في مكان تاني او ظروف تانية كنت حبقي مختلف تماما !! .... طب فين انا ؟! ايه اللي يميز كينونتي كشخص فريد ؟!!!!

2 - عمنا Fyodor Dostoyevsky و هو بيقول (( ما العقل إلا خادم الأهواء .. ) !!! ... نعم ؟!! يعني ايه ؟! يعني المنطق و العقلانية اللي انا بعتمد عليهم عشان اميز بين اهوائي و نزواتي هما اللي بيتحكموا في عقلي مش العكس ؟! .. يعني انا لو عاوز اعمل حاجة ضد طبيعتي بس لمجرد اسعاد شهوتي الجسدية .. حعملها  انا مقتنع بيها !! .. مدركين كمية الرعب في الجملة ديه و هي بتقول ان حتي الشر بتعمل بعد تبرير ذاتي للشخص نفسه , فانا عاوز اقتل عقلي حيلاقي المبرر , عاوزو اغتصب , اسرق , اعمل اي حاجة دايما العقل حيبقي المحلل الاخلاقي و المنطقي !! .. طب ايه الحل ؟! ايه الفايصل في الموضوع ده , إذا كان الحكم نفسه مشكوك فيه ؟!!

3- دكتورنا العظيم " عادل صادق  " و هو بيقول (( .. الزواج اثنان يعيشان معا أما الحب فاثنان يرغبان في أن يعيشا معا ..)) .. الرعب هنا مش من الجملة قد ما من المؤشرات اللي تخلي دكتورنا يوصل للجملة الرائعة ديه و يحطها في كتابه " حب بلا زواج وزواج بلا حب " ,,,, فكرة ان الزواج لما يتسلب منه الحب يبقي مجرد حاجة منزوعة رغبة الاستمرار .. حاجة باردة رخمة ! .. فالرغبة في التواصل هي البنزين اللي بيخلي للجواز او الارتباط له طعم و اثارة  !... فنماذج كتير حوالينا لو فقدت الرغبة ديه بتبقى عاملة زي المحكوم عليه بالاعدام .. مستني فترة الوجيزة في حياتة البائسة بكل رتابة و ملل في انتظار الموت .. فكمية خوف و ذعر من شكل العلاقة ديه ! و كمية قلق و تفكير في هل الانسان حيعرف يوصل لمقدار الحب المطلوب ده .. و لا حستسلم للواقع الكئيب .. ؟!